មន្ទីរទេសចរណ៍

១.រូបថត និង logo របស់​មន្ទីរ​ទេសចរណ៍​ខេត្ត

២.សាវតា​មន្ទីរ​ទេសចរណ៍​ខេត្ត
អំពី​ក្របខ័ណ្ឌ​ដើមៈ
        មុន​ឆ្នាំ១៩៩៥ មន្ទីរ​ទេសចរណ៍​ខេត្ត​មិនទាន់​កើតមាន​នៅឡើយ​ទេ គឺ​មានតែ​ការិយាល័យ​ទេសចរណ៍​ដែល​ស្ថិតនៅក្រោម​ការគ្រប់គ្រង​របស់​សាលា​ខេត្តកំពង់ធំ ។  ការិយាល័យ​ទេសចរណ៍ មាន​សមាជិក​សរុប​ចំនួន ០៥រូប (មាន​វិញ្ញា​ប័ត្រ​ផ្ទេរ​តារាង​ប្រាក់បៀវត្សរ៍​និង​ប្រាក់ឧបត្ថម្ភ​ផ្សេងៗភ្ជាប់​ជាមួយ) ក្នុងនោះ​រួមមាន៖
១-លោក សំ​ម រឹម ​ប្រធានការិយាល័យ
២-លោក ផៃ ដា​រ៉ា​រិទ្ធ     ​អនុ​ប្រធានការិយាល័យ
៣-លោក តាន់ ឆា​ន      ​អនុ​ប្រធានការិយាល័យ
៤-លោក វ៉ាន់ សា​រ៉ា​ត    ​បុគ្គលិក
៥-លោក សរ សារិន     ​បុគ្គលិក
នៅ​ដើមឆ្នាំ១៩៩៥ ការិយាល័យ​ទេសចរណ៍ ត្រូវ​បានរៀបចំ និង​តែងតាំង​ឱ្យ​ក្លាយទៅជា​មន្ទីរ​ទេសចរណ៍ តាម​ប្រកាស​លេខ ០១០ កទច ចុះ​ថ្ងៃទី ២៨  ខែ មករា  ឆ្នាំ ១៩៩៥ របស់​ក្រសួងទេសចរណ៍    ដែលមាន ០៣ ការិយាល័យក្នុងនោះ​មាន ៖
១- ការិយាល័យ​រដ្ឋបាល និង​ហិរញ្ញវត្ថុ
២-ការិយាល័យ​ឧស្សាហកម្ម​ទេសចរណ៍ ផែនការ​និង​ផ្សព្វផ្សាយ
៣-ការិយាល័យ​អភិវឌ្ឍន៍​វប្បធម៌ និង​បណ្តុះបណ្តាល​វិជ្ជាជីវៈ
សរុបមក​នៅក្នុង​ឆ្នាំ ១៩៩៥ មន្ទីរ​ទេសចរណ៍​ខេត្តកំពង់ធំ មាន​មន្ត្រី​ក្របខ័ណ្ឌ​ធ្វើ​ការសរុប​ចំនួន ១៣ រូប ។      នៅ​ឆ្នាំ២០០៧   ក្រសួងទេសចរណ៍ បាន​ចេញប្រកាស​បង្កើត​ការិយាល័យ​បន្ថែមក្នុងនោមន្ទីរ​ទេសចរណ៍​ខេត្ត កំពង់ធំ ទទួលបាន ៥ ការិយាល័យគឺ ៖
១- ការិយាល័យ​រដ្ឋបាល បុគ្គលិក ហិរញ្ញវត្ថុ និង​អធិការកិច្ច
២-ការិយាល័យ​គ្រប់គ្រង​ឧស្សាហកម្ម​ទេសចរណ៍ សុវត្ថិ​ភាពស្ត្រី​និង​កុមារ​ក្នុង​វិស័យ​ទេសចរណ៍
៣-ការិយាល័យ​ពត៌មាន​ទេសចរណ៍ សិក្សា​ទីផ្សារ ផ្សព្វផ្សាយ​ទេសចរណ៍ និង​រៀបចំ​ព្រឹត្តិការណ៍​ទេសចរណ៍
៤-ការិយាល័យ​ផែនការអភិវឌ្ឍន៍​ទេសចរណ៍វប្បធម៌ សហគមន៍​ទេសចរណ៍​មូលដ្ឋាន
៥-ការិយាល័យ​អប់រំ​បណ្តុះបណ្តាល
អំពី​ទីតាំង​មន្ទីរ​ទេសចរណ៍
       
មន្ទីរ​ទេសចរណ៍​ខេត្ត​ទើប​និង​ចាប់ផ្តើម​បង្កើត​ថ្មី​ចាប់ពី​ឆ្នាំ១៩៩៥ដែល​ពេលនោះ ខេត្ត​បានផ្តល់​ទីតាំង​បន្ទប់​មួយកន្លែង​នៅក្នុង​សណ្ឋាគារ​ខេត្ត​ដែល​ចាស់​ទ្រុឌទ្រោម (កសាង​អំពី​បាយអ​នៅ​ជំនាន់​បារាំង​សេស) មាន​របើក​ជញ្ជាំង និង ពិ​ដាន​ដោយអន្លើៗ និង​មាន​លក្ខណៈ​តូចចង្អៀត។ នៅ​ឆ្នាំ ១៩៩៧ ក្រោយ​ពេលដែល​ទីបញ្ជាការ​យោធា​ខេត្ត​ត្រូវបាន​ដក​ចេញទៅ​នៅ​ផ្នល់​បែក មន្ទីរ​ទេសចរណ៍ត្រូវបាន​ផ្ទេរ​ទៅ​នៅកន្លែង​នោះ (អតីត​បឹង​ហ្កាឡូ) បាន១ឆ្នាំខេត្ត​បាន​ឯកភាព​ប្រគល់​ទីតាំង​នេះ​ឱ្យ​ឯកជន​ធ្វើជា​សណ្ឋាគារ និង ​ភោជនីយដ្ឋាន (សណ្ឋាគារ​ស្ទឹងសែន) ដើម្បី​វិនិយោគ​រយៈពេល ៧០ឆ្នាំ តាម​កិច្ចសន្យា ចុះ​ថ្ងៃទី២៣ ខែមករា ឆ្នាំ២០០២(តាម​កិច្ចសន្យា​លើកដំបូង គឺធ្វើឡើង​នៅ​ថ្ងៃទី ០១ ខែមេសា ឆ្នាំ១៩៩៦) ចាប់ពី​ឆ្នាំ១៩៩៨មក  មន្ទីរ​ទេសចរណ៍​បាន​ផ្ទេរ​មក​នៅ  អតីត​សាលប្រជុំ​មន្ទីរ​ពាណិជ្ជកម្ម​ខេត្ត ដែល​បច្ចុប្បន្ន គ្រប់គ្រង​ដោយ​ស្នាក់ការ​គណបក្ស​ខេត្ត។ ការ​ស្នាក់នៅ​បំពេញការងារ​បាន​មួយរយៈ​មក កន្លែង​នេះ​មាន​ការលំបាក​ដោយសារ​សំណង់​មា​នស​ភាពទ្រុឌទ្រោម ដំបូល​និង​ជញ្ជាំង​មានការ​ធ្លុះធ្លាយ ពេល​មាន​ភ្លៀង​ម្តងៗធ្វើឱ្យ​ខូច​ឯកសារ​ដែល​បង្កើត​ការលំបាក​ក្នុង​ការគ្រប់គ្រង។ បន្ទាប់ មកមន្ទីរ​ត្រូវបាន​ផ្ទេរចេញមក​ជួលផ្ទះ​គេ​មួយកន្លែង​នៅ​តំបន់​មាត់​ហាវធ្វើជា​ស្នាក់ការ​មន្ទីរ​រហូតមកដល់​បច្ចុប្បន្ន។៣.ទស្សនៈ​វិស័យ ឬ ចក្ខុវិស័យ របស់​មន្ទីរ​ទេសចរណ៍​ខេត្ត
វិស័យ​ទេសចរណ៍​កម្ពុជា ជា​ទេសចរណ៍វប្បធម៌ និង​ធម្មជាតិ ដែល​នឹង​បង្កើតបាន​នូវ​ផល​វិជ្ជមានស្របទៅ តាម​និន្នា​ការអភិវឌ្ឍ​វិស័យ​ទេសចរណ៍​តំបន់ និង​ពិភពលោក នា​ពេលបច្ចុប្បន្ន និង​អនាគត។
៤.គោលដៅ របស់​មន្ទីរ​ទេសចរណ៍​ខេត្ត
គឺ​ការអភិវឌ្ឍ​ទេសចរណ៍ ទាមទារ​ឱ្យមាន​យុទ្ធសាស្រ្ត​គ្រប់គ្រង គោលដៅ​ទាក់ទាញ​ទេសចរណ៍។
៥.ទិសដៅ របស់​មន្ទីរ​ទេសចរណ៍​ខេត្ត
ទេសចរណ៍មាន​ទិសដៅ​ច្បាស់លាស់ដែល​ត្រូវ​សម្រេច​ឱ្យបាន​ការអភិវឌ្ឍ​ប្រកបដោយ​ប្រសិទ្ធភាព គុណភាព និង​និរន្តរភាព។ ទិសដៅ​ទាំងនេះ គឺជា​ការអភិរក្ស ថែរក្សា ការពារ ការប្រើប្រាស់​សម្បត្តិ​វប្បធម៌ និង​ធនធានធម្មជាតិ​ប្រកបដោយ​ស្មារតី​ទទួលខុសត្រូវ និង​ការបង្កើន​ផលប្រយោជន៍​ពី​ប្រភព​ទាំងនេះ ព្រមទាំង​ធ្វើឱ្យ​អ្នកពាក់ព័ន្ធ​ទទួលផល​ប្រកបដោយ​សមធម៌។
៦.បេសកម្ម​របស់​មន្ទីរ​ទេសចរណ៍​ខេត្ត
ក្រសួងទេសចរណ៍ ត្រូវបាន​រាជរដ្ឋាភិបាល​កម្ពុជា ប្រគល់​បេសកម្ម​អោយ​ដឹកនាំ និង​គ្រប់គ្រង​វិស័យ​ទេសចរណ៍​នៃ​ព្រះរាជាណាចក្រ​កម្ពុជា។
៧.រចនាសម្ព័ន្ធ​គ្រប់គ្រង​របស់​មន្ទីរ​ទេសចរណ៍​ខេត្ត
យោង​ប្រកាស​លេខ០៦៧ ប្រក ចុះ​ថ្ងៃទី១៨ ខែកក្កដា ឆ្នាំ២០០៧ ស្តីពី​ការកែ​សំ​រួល​តួនាទី​ភារកិច្ច និង​រចនា សម្ព័ន្ធ​របស់​មន្ទីរ​ទេសចរណ៍​ខេត្ត-ក្រុង។
រចនាសម្ព័ន្ធ​គ្រប់គ្រង​របស់​មន្ទីរ​ទេសចរណ៍​ខេត្តកំពង់ធំ

៧.១អំពីការិយាល័យចំណុះរបស់មន្ទីរទេសចរណ៍ខេត្ត
អំពីការិយាល័យ ចំណុះ
រចនាសម្ព័ន្ធគ្រប់គ្រងរបស់មន្ទីរទេសចរណ៍ខេត្តកំពង់ធំ មានការិយាល័យចំណុះចំនួន០៥ការិយាល័យ៖
០១.   ការិយាល័យរដ្ឋបាល បុគ្គលិក ហិរញ្ញវត្ថុ និងអធិការកិច្ច
០២.   ការិយាល័យគ្រប់គ្រងឧស្សាហកម្មទេសចរណ៍ សុវត្ថិភាពស្រ្តី និងកុមារក្នុងវិស័យទេសចរណ៍
០៣.  ការិយាល័យផែនការអភិវឌ្ឍទេសចរណ៍វប្បធម៌ សហគមន៍ទេសចរណ៍មូលដ្ឋាន
០៤.   ការិយាល័យព័ត៌មានទេសចរណ៍ សិក្សាទីផ្សារ និងផ្សព្វផ្សាយទេសចរណ៍
០៥.   ការិយាល័យអប់រំបណ្តុះបណ្តាល
៧.២ អំពីបុគ្គលិក
ចំនួនមន្រ្តីក្នុងមន្ទីរទេសចរណ៍ខេត្តមាន ១៦នាក់ និងមន្រ្តីកិច្ចសន្យា​មាន​ ២៧នាក់។
៨.សក្តានុពល
តំបន់សក្ដានុពលទេសចរណ៍ខេត្តកំពង់ធំ
១.ប្រាសាទគុកនគរ
      ប្រាសាទនេះសាងអំពីថ្មបាយ ក្រៀមគ្រាប់ល្អិតខ្មៅ  ក្នុងរជ្ជកាល ព្រះបាទសុរិយៈវរ្ម័នទី១ ក្នុងស.វ ទី១១ តាមរចនាបទឃ្លាំង ឧទ្ទិសចំពោះព្រះសិវៈ ។

២.រមណីយដ្ឋានបឹងសំរឹទ្ធិ គឺជារមណីយដ្ឋានកែច្នៃ ផ្ដើមកសាងនៅឆ្នាំ២០០៦ ដោឯកឧត្តម ញ៉ែម ថាវី

៣.រមណីយដ្ឋានស្ទឹងជីនិត គឺជារមណីយដ្ឋានធម្មជាតកែច្នៃ ។

៤.រមណីយដ្ឋានភ្នំសន្ទុក

ភ្នំសន្ទុកមានឈ្មោះហៅជាច្រើនដូចជា៖
-ភ្នំធំ(ប្រវតិ្តសាស្ត្រ)              -ភ្នំអាថិសន្ទុក(ប្រវតិ្តសាស្ត្រ)
-ភ្នំសន្ទុក(ប្រវតិ្តសាស្ត្រ)        -ភ្នំចមចុងគិរី
-ភ្នំគ្របទុក                         -ភ្នំព្រះបាទជាន់ទុក

៥.រមណីយដ្ឋានប្រាសាទសំបូរព្រៃគុក

ប្រាសាទសំបូរព្រៃគុក ភាគច្រើនកសាងឡើងដោយព្រះបាទឦសានវរ្ម័ន ដើម្បីឧទ្ទិសចំពោះព្រះសីវៈ ។ ប្រាសាទសំបូរព្រៃគុកសង់មានលក្ខណៈជាប្រាសាទទោល និងសង់ជាក្រុមក្នុងកំពែងតែមួយ។ សម្ភារៈសំណង់គឺ ឥដ្ឋកំបោរបាយអ ថ្មភក់ ឯប្លង់ប្រាសាទមានរាងបួនជ្រុង គ្រឿងលំអស្ថាបត្យកម្មមានផ្តែ និងសរសរពេជ្រ សុទ្ធសឹងធ្វើអំពីថ្មភក់ និង មានចំលាក់លើកំបោរបាយអ

ប្រាសាទសំបូរព្រៃគុកត្រូវបានកំណត់បែងចែកក្រុមប្រាសាទជាបីក្រុមធំៗខុសគ្នា និង មានក្រុមតូចៗជាច្រើនទៀតដូចជា ៖
១. ក្រុមប្រាសាទខាងជើង ៖សាងឡើងនៅដើមស.វទី ៧ ដោយព្រះបាទឦសនវរ្ម័នទី១។

២-ក្រុមប្រាសាទកណ្តាល ៖ មានតួប៉មប្រាសាទតូចៗចំនួនប្រាំពីរកសាងពីឥដ្ឋក្នុងដើមស.វ ទី៧ ដោយព្រះបាទឦសនវរ្ម័នទី១។ ចំពោះ​ប្រាសាទ​​តោដែលស្ថិតនៅក្នុងក្រុមកណ្តាល សាងឡើងក្នុងរជ្ជកាលរបស់ព្រះបាទជ័យវរ្ម័នទី២ ក្នុងស.វទី៩ តាម​រចនាបទរបស់ជ្វាឧទ្ទិសចំពោះព្រះសិវៈ ដែលគោរពលទ្ធិទេវរាជ។

៣-ក្រុមប្រាសាទខាងត្បូង៖ សាងឡើងដោយព្រះបាទឦសានវរ្ម័នទី១ ដើមស.វទី​៧។

ក្រុមប្រាសាទតូចៗមាន៖
-ក្រុមប្រាសាទរបងរមាស ឬ ក្រោលរមាស
-ក្រុមប្រាសាទត្រពាំងរពាក់, ក្រុមប្រាសាទឬស្សីរលែក, ក្រុមប្រាសាទសណ្តាន់

៦.រមណីយដ្ឋានធ្នស់តាព្រហ្ម
       រមណីយដ្ឋានធ្នស់តាព្រហ្ម ជាតំបន់ធម្មជាតិប្រវត្តិសាស្រ្តមួយដ៏យូរយារណាស់មកហើយ ដោយមានសំណល់ទីទួលប្រាសាទបុរាណមួយដែលមានទម្រលឹង្គនិងយោនីយនៅទីនោះ។

៧. រមណីយដ្ឋានអូរមៀន
រមណីយដ្ឋានអូរមៀន ជារមណីយដ្ឋានកែច្នៃ

៨. រមណីយដ្ឋានអេកូរទេសចរណ៍រស្មីភូមិពីរគីរីបឹងក្រញាក
រមណីយដ្ឋានអេកូរទេសចរណ៍រស្មីភូមិពីរគីរីបឹងក្រញាកជារមណីយដ្ឋានធម្មជាតិ

៩. រមណីយដ្ឋានស្ទឹងព្រៃប្រស់

រមណីយដ្ឋានស្ទឹងព្រៃប្រស់ គឺជារមណីយដ្ឋានធម្មជាតិកែច្នៃ

ការគ្រប់គ្រងឧស្សាហកម្មទេសចរណ៍
-នៅក្នុងខេត្តកំពង់ធំ មានសេវាកម្មទេសចរណ៍ជាច្រើនដូចជា៖ សណ្ឋាគារសរុបចំនួន ០៨ កន្លែង ចែកចេញជា ៣២០ បន្ទប់ មានបុគ្គលិកសរុបចំនួន ១០៣ នាក់ ស្រី ៧២ នាក់។
-ផ្ទះស្នាក់សរុបចំនួន ០២ កន្លែង ចែកចេញជា ២២ ខ្នងផ្ទះ ។
-ភោជនីយដ្ឋាន និងអាហារដ្ឋានសរុបចំនួន ៥៩ ទីតាំង
-ខារ៉ាអូខេសរុបចំនួន ២៨ កន្លែង ដែលមាន ១១១ បន្ទប់ មានបុគ្គលិកបម្រើការងារសរុបចំនួន ២៣៤ នាក់ ស្រី ២០៤ នាក់។
-ផ្ទះភ្ញៀវសរុបចំនួន ៤៨ កន្លែង ចែកចេញជា ៧៤៧ បន្ទប់ ដែលក្នុងនោះមានបុគ្គលិកបម្រើការងារសរុបចំនួន ១៦៧ នាក់ ស្រី ១១៥ នាក់
៩.សកម្មភាពស្នូលរបស់មន្ទីរ
ការិយាល័យរដ្ឋបាល បុគ្គលិក ហិរញ្ញវត្ថុនិងអធិការកិច្ច
– លើកផែនការអនុវត្តសកម្មភាព និងថវិកាក្នុងការិយាល័យប្រចាំឆ្នាំ
– រៀបចំពិនិត្យ និងវាយតម្លៃលើការតម្លើងថ្នាក់ ឋានន្តរស័ក្តិ មុខតំណែងគ្រឿងឥស្សរិយយស និងលាភការផ្សេងៗទៀតរបស់ មន្រ្តីរាជការមន្ទីរស្របតាមលិខិតបទដ្ឋានគតិយុត្តិរបស់ថ្នាក់ជាតិ
– គ្រប់គ្រង និងត្រួតពិនិត្យបញ្ជីវត្តមានមន្រ្តីរាជការប្រចាំថ្ងៃ និងបូកសរុបរបាយការណ៍ប្រចាំខែជូនក្រសួងទេសចរណ៍ ស្របតាម គោលការណ៍ណែនាំរបស់ថ្នាក់ជាតិ
– លើកសំណើសុំមន្រ្តីបំពេញការងារ និងបែងចែកមន្រ្តីបំពេញការងារតាមការិយាល័យជំនាញនានា
– រៀបចំលើកគម្រោងផែនការចំណូល-ចំណាយថវិកាប្រចាំឆ្នាំរបស់មន្ទីរ តាមការកំណត់របស់ថ្នាក់ជាតិ និងក្រសួងសេដ្ឋកិច្ច និងហិរញ្ញវត្ថុ
– សហការសម្របសម្រួលលើការរៀបចំគម្រោងថវិកាតាមសកម្មភាព និងការប្រើប្រាស់ថវិកាឱ្យស្របតាមសកម្មភាពរបស់ការិយាល័យជំនាញក្នុងមន្ទីរ
– រៀបចំលិខិតបង្គាប់ការមន្រ្តី លិខិតអញ្ជើញ និងលិខិតឆ្លើយតបទៅក្រសួង-ស្ថាប័ន-អាជ្ញាធរនានា
– រៀបចំលិខិតឧទ្ទេសនាម លិខិតបញ្ជាបេសកកម្ម លិខិតចុះទិដ្ឋាការធ្វើដំណើរ របស់ថ្នាក់ដឹកនាំ និងមន្រ្តីរបស់មន្ទីរ
– គ្រប់គ្រង និងត្រួតពិនិត្យលើការប្រើប្រាស់ទ្រព្យសម្បត្តិរបស់មន្ទីរស្របតាមលិខិតបទដ្ឋានគតិយុត្ត
– គ្រប់គ្រងភ្នាក់ងារបើកផ្តល់ និងរៀបចំឯកសារបើកប្រាក់បៀវត្សប្រចាំខែជូនមន្រ្តីរាជការ និងឯកសារកិច្ចបញ្ជីការគណនេយ្យ ស្របតាមគោលការណ៍ណែនាំរបស់ក្រសួងទេសចរណ៍ ក្រសួងសេដ្ឋកិច្ច និងហិរញ្ញវត្ថុ និងក្រសួងមុខងារសាធារណៈ
– គ្រប់គ្រងការងាររជ្ជទេយ្យករបុរេប្រទាន និងរៀបចំឯកសារកិច្ចបញ្ជីការគណនេយ្យស្របតាមការណែនាំ របស់ក្រសួងសេដ្ឋកិច្ច និងហិរញ្ញវត្ថុ
– គ្រប់គ្រងការងាររជ្ជទេយ្យករចំណូល និងរៀបចំឯកសារកិច្ចបញ្ជីការគណនេយ្យស្របតាមការណែនាំរបស់ក្រសួងសេដ្ឋកិច្ច និងហិរញ្ញវត្ថុ និងក្រសួងទេសចរណ៍
– គ្រប់គ្រង និងអនុវត្តកិច្ចលទ្ធកម្មសាធារណៈរបស់មន្ទីរ ស្របតាមគោលការណ៍ណែនាំរបស់ក្រសួងសេដ្ឋកិច្ច និងហិរញ្ញវត្ថុ និងក្រសួងទេសចរណ៍
– សហការជាមួយអធិការដ្ឋាន និងសមត្ថកិច្ចពាក់ព័ន្ធ ចូលរួមធ្វើអធិការកិច្ចលើការងារទេសចរណ៍ក្នុងខេត្ត ដើម្បីធានាការអនុវត្ត ច្បាប់ និងលិខិតបទដ្ឋានគតិយុត្តពាក់ព័ន្ធទេសចរណ៍ឱ្យបានត្រឹមត្រូវ
– សហការជាមួយនាយកដ្ឋានសវនកម្មផ្ទៃក្នុង ដើម្បីធ្វើសវនកម្មលើការបំពេញការងារតាមការិយាល័យជំនាញរបស់មន្ទីរ ដើម្បី ឱ្យការអនុវត្តការងារបានល្អប្រសើរ និងស្របតាមលិខិតបទដ្ឋានគតិយុត្តជាធរមាន
– គ្រប់គ្រងលិខិតស្នាមចេញ-ចូល ទុកដាក់ឯកសារ និងបែងចែកលិខិតស្នាមតាមបទដ្ឋានគតិយុត្តនានា
– រៀបចំរបាយការណ៍បូកសរុបលទ្ធផលការងារទេសចរណ៍ប្រចាំខែ ត្រីមាស ឆមាស និងប្រចាំឆ្នាំជូនក្រសួងទេសចរណ៍
– ទទួលភារកិច្ចបន្ថែមទៀត តាមការប្រគល់ជូនរបស់ប្រធានមន្ទីរទេសចរណ៍ខេត្តកំពង់ធំ
 ការិយាល័យគ្រប់គ្រងឧស្សាហកម្មទេសចរណ៍
សុវត្ថិភាពស្រ្តី និងកុមារក្នុងវិស័យទេសចរណ៍

– លើកផែនការអនុវត្តសកម្មភាព និងថវិកាក្នុងការិយាល័យប្រចាំឆ្នាំ
– ផ្សព្វផ្សាយ និងជំរុញអនុវត្តច្បាប់ស្តីពីទេសចរណ៍ និងលិខិតបទដ្ឋានគតិយុត្តិឱ្យបានទូលំទូលាយក្នុងផ្នែកសាធារណៈ និងឯកជន
-គ្រប់គ្រងមូលដ្ឋានសេវាកម្មទេសចរណ៍ក្នុងខេត្តដែលមានក្នុងប្រកាសរួមស្តីពីការផ្តល់សេវាសាធារណៈរបស់ក្រសួងទេសចរណ៍ និងពិនិត្យផ្តល់អាជ្ញាបណ្ណទេសចរណ៍តាមប្រភេទសេវាកម្មនីមួយៗ ស្របតាមគោលការណ៍របស់ថ្នាក់ជាតិ
– ត្រួតពិនិត្យ និងរៀបចំចងក្រងស្ថិតិ និងធ្វើបច្ចុប្បន្នភាពសេវាកម្មទេសចរណ៍នៅក្នុងខេត្ត ដើម្បីងាយស្រួលក្នុងការគ្រប់គ្រង
– ជំរុញការអនុវត្តប្រកាសសារាចរណែនាំស្តីពីទីក្រុងស្អាត រមណីយដ្ឋាន សេវាល្អ
– លើកសំណើជូនថ្នាក់ជាតិដើម្បីពិនិត្យវាយតម្លៃតាមប្រភេទចំណាត់ថ្នាក់ ការលើកសរសើរផ្តល់រង្វាន់និងប័ណ្ណសរសើរដល់ មូលដ្ឋានសេវាកម្ម និងប្រតិបត្តិករទេសចរណ៍គ្រប់ប្រភេទនៅក្នុងខេត្ត
– សហការជាមួយអាជ្ញាធរមានសមត្ថកិច្ចពាក់ព័ន្ធនានាដើម្បីទប់ស្កាត់បទល្មើសនិងការជួញដូរគ្រឿងញៀន ការជួញដូរស្រ្តី និងកុមារ ក្នុងវិស័យទេសចរណ៍ លើកស្ទួយកិត្តិយស សេចក្តីថ្លៃថ្នូរ តម្លៃស្រ្តីនិងកុមារនៅក្នុងព្រះរាជាណាចក្រកម្ពុជា ស្របតាមពាក្យ ស្លោកចូលរួមការពាររតនសម្បត្តិជាតិយើង
-គ្រប់គ្រងនិងជំរុញសកម្មភាពមគ្គុទេសក៏ទេសចរណ៍នៅក្នុងខេត្តឱ្យអនុវត្តទៅតាមគោលការណ៍របស់ថ្នាក់ជាតិ
– ទទួលភារកិច្ចបន្ថែមទៀត តាមការប្រគល់ជូនរបស់ប្រធានមន្ទីរទេសចរណ៍ខេត្តកំពង់ធំ

ការិយាល័យផែនការអភិវឌ្ឍទេសចរណ៍វប្បធម៌
សហគមន៍ទេសចរណ៍មូលដ្ឋាន
– លើកផែនការអនុវត្តសកម្មភាព និងថវិកាក្នុងការិយាល័យប្រចាំឆ្នាំ
– រៀបចំផែនការអភិវឌ្ឍទេសចរណ៍របស់រដ្ឋបាលថ្នាក់ក្រោមជាតិដែលរួមមាន៖ ផែនការអភិវឌ្ឍទេសចរណ៍វប្បធម៌ ផែនការអេកូ ទេសចរណ៍ផែនការអភិវឌ្ឍទេសចរណ៍សហគមន៍កសិ-ទេសចរណ៍និងទេសចរណ៍ធម្មជាតិ
– លើកផែនការអភិវឌ្ឍទេសចរណ៍របស់រដ្ឋបាលថ្នាក់ក្រោមជាតិ និងចូលរួមអនុវត្តតាមផែនការអភិវឌ្ឍទេសចរណ៍ថ្នាក់ជាតិ និងថ្នាក់តំបន់
– សិក្សាស្រាវជ្រាវ និងរៀបចំគម្រោងអភិវឌ្ឍទេសចរណ៍ និងអនុវត្តគម្រោងមូលដ្ឋាននានា
– សហការជាមួយមន្ទីរអាជ្ញាធរពាក់ព័ន្ធ រៀបចំបង្កើតសហគមន៍ទេសចរណ៍នៅតាមតំបន់ដែលមានសក្តានុពលខ្ពស់ ដើម្បីលើក កម្ពស់ជីវភាពប្រជាពលរដ្ឋក្នុងតំបន់
– ជំរុញ និងផ្សព្វផ្សាយឱ្យមានការថែរក្សាទីតាំងវប្បធម៌ប្រវត្តិសាស្រ្ត បេតិកភ័ណ្ឌ ទីសក្ការៈបូជា ដើម្បីទាក់ទាញទេសចរជាតិ និងអន្តរជាតិ
– ផ្សព្វផ្សាយ និងជំរុញលើកទឹកចិត្តឱ្យសិប្បករផលិតសម្ភារៈបម្រើឱ្យទេសចរណ៍ ដោយប្រើប្រាស់វត្ថុធាតុដើមក្នុងស្រុក (ខេត្ត)
– ផ្សព្វផ្សាយ និងជំរុញលើកទឹកចិត្តឱ្យប្រតិបត្តិករទេសចរណ៍ប្រើប្រាស់ផលិតផលក្នុងស្រុក
– លើកគម្រោង និងជំរុញផ្នែកកសិ-ទេសចរណ៍ ឱ្យមានសកម្មភាពរួមចំណែកកាត់បន្ថយភាពក្រីក្រដោយជំរុញចលនាដាំដុះដំណាំ ចិញ្ចឹមសត្វ និងសិប្បកម្មនានាបម្រើឱ្យវិស័យទេសចរណ៍
– ពិនិត្យស្រាវជ្រាវកែលំអរមណីយដ្ឋានទេសចរណ៍ តាមលក្ខណៈទេសចរណ៍វប្បធម៌ និងទេសចរណ៍ធម្មជាតិ
– ជំរុញសកម្មភាពភូមិមួយផលិតផលមួយរបស់សហគមន៍ទេសចរណ៍
– ពិនិត្យនិងជំរុញការរៀបចំតុបតែងលំអ នៅតាមគ្រប់អគារសេវាកម្មទេសចរណ៍ទាំងអស់ឱ្យស្របទៅតាមបទដ្ឋានរបស់ខ្មែរ និងគ្រប់សេវាកម្មត្រូវកំណត់ឯកសណ្ឋានសំលៀកបំពាក់ឱ្យស្របទៅតាមប្រពៃណី និងតាមតំបន់មូលដ្ឋានរបស់ខ្លួន
-សហការសិក្សាស្រាវជ្រាវលើទំនៀមទម្លាប់ប្រពៃណីក្នុងមូលដ្ឋានដើម្បីចងក្រងជាឯកសាររៀបចំជាព្រឹត្តិការណ៍ទេសចរណ៍នៅតាមរមណីយដ្ឋានទេសចរណ៍
– ទទួលភារកិច្ចបន្ថែមទៀត តាមការប្រគល់ជូនរបស់ប្រធានមន្ទីរទេសចរណ៍ខេត្តកំពង់ធំ

ការិយាល័យព័ត៌មានទេសចរណ៍សិក្សា
ទីផ្សារ និងផ្សព្វផ្សាយទេសចរណ៍
– លើកផែនការអនុវត្តសកម្មភាព និងថវិកាក្នុងការិយាល័យប្រចាំឆ្នាំ
– ជំរុញការផ្សព្វផ្សាយកម្ពុជា:ព្រះរាជាណាចក្រអច្ឆរិយៈ និងចលនាប្រលងប្រណាំង ទីក្រុងស្អាតរមណីយដ្ឋានស្អាត សេវាល្អ បដិសណ្ឋារកិច្ចល្អឱ្យបានជ្រួតជ្រាបដល់មជ្ឈដ្ឋានជាតិ និងអន្តរជាតិ
– រៀបចំបង្កើតព្រឹត្តិការណ៍ទេសចរណ៍នានា ដើម្បីទាក់ទាញភ្ញៀវទេសចរជាតិ និងអន្តរជាតិ
– គ្រប់គ្រងមជ្ឈមណ្ឌលព័ត៌មានទេសចរណ៍ និងផ្តល់ព័ត៌មានពិតជូនទេសចរ
– ប្រមូល និងចងក្រងទិន្នន័យទេសចរជាតិ និងអន្តរជាតិ នៅតាមសេវាកម្មទេសចរណ៍ក្នុងខេត្ត
– បង្កើតសៀវភៅមគ្គុទ្ទេសក៍ទេសចរណ៍ បណ្ណផ្នត់ ខិតបណ្ណទេសចរណ៍និងផែនទីទេសចរណ៍ក្នុងខេត្ត
– រៀបចំ និងផ្សព្វផ្សាយផលិតផលទេសចរណ៍ តាមរយៈព្រឹត្តការណ៍ទេសចរណ៍ និងការតាំងពិព័រទាំងក្នុងនិងក្រៅប្រទេស
– បង្កើតនិងគ្រប់គ្រងគេហទំព័រទេសចរណ៍ផ្លូវការរបស់មន្ទីរដើម្បីបម្រើឱ្យការផ្សព្វផ្សាយទេសចរណ៍
– រៀបចំបង្កើតផ្ទាំងប៉ាណូផ្សព្វផ្សាយផលិតផលទេសចរណ៍ និងស្លាកបង្ហាញទីតាំងតំបន់ទេសចរណ៍នៅក្នុងខេត្ត
-សហការសិក្សាស្រាវជ្រាវលើទំនៀមទម្លាប់ប្រពៃណីក្នុងមូលដ្ឋានដើម្បីចងក្រងជាឯកសាររៀបចំជាព្រឹត្តិការណ៍ទេសចរណ៍នៅតាមរមណីយដ្ឋានទេសចរណ៍
– ទទួលភារកិច្ចបន្ថែមទៀត តាមការប្រគល់ជូនរបស់ប្រធានមន្ទីរទេសចរណ៍ខេត្តកំពង់ធំ

ការិយាល័យអប់រំបណ្តុះបណ្តាល
– លើកគម្រោងផែនការបណ្តុះបណ្តាលវិជ្ជាជីវៈទេសចរណ៍ទាំងផ្នែកឯកជន និងសាធារណៈតាមគោលការណ៍របស់ក្រសួង
– បើកវគ្គបណ្តុះបណ្តាលរយៈពេលខ្លី-មធ្យម-វែង លើមុខជំនាញសេវាកម្មទេសចរណ៍ មគ្គុទេសក៍ទេសចរណ៍ បដិសណ្ឋារកិច្ច និងការបញ្ជ្រាបយេនឌ័រក្នុងវិស័យទេសចរណ៍ សិទ្ធិកុមារ ច្បាប់ជាតិអន្តរជាតិ អនុសញ្ញាជាតិដែលពាក់ព័ន្ធ ដើម្បីទប់ស្កាត់គ្រោះថ្នាក់នៃការកេងប្រវ័ញផ្លូវភេទ និងកម្លាំងពលកម្មកុមារក្នុងវិស័យទេសចរណ៍ ដល់ប្រតិបត្តិករទេសចរណ៍ ដែលកំពុងធ្វើអាជីវកម្មទេសចរណ៍ក្នុងខេត្ត
-ទំនាក់ទំនងជាមួយផ្នែកឯកជនអង្គការក្រៅរដ្ឋាភិបាលឱ្យចូលរួមឧបត្ថម្ភគាំទ្រដល់ការបណ្តុះបណ្តាលធនធានមនុស្សក្នុងវិស័យទេសចរណ៍
-រៀបចំឯកសារនិងបទដ្ឋាននានាដែលពាក់ព័ន្ធការងារវិស័យទេសចរណ៍សម្រាប់ធ្វើការបណ្តុះបណ្តាលធនធានមនុស្ស
– រៀបចំបើកវគ្គបណ្តុះបណ្តាលក្នុងសេវាកម្មទេសចរណ៍បន្ថែមទៀតស្របតាមការណែនាំរបស់ក្រសួង
– ទទួលភារកិច្ចបន្ថែមទៀត តាមការប្រគល់ជូនរបស់ប្រធានមន្ទីរទេសចរណ៍ខេត្តកំពង់ធំ

១០.អសយដ្ឋាន និងលេខទំនាក់ទំនង

– ផ្ទះលេខ១ ផ្លូវលេខ១ ភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ
– ទូរស័ព្ទ ០៦២ ២១០ ៤០៨/០១២ ៩១៤ ៩៩៧
– ហ្វេសប៊ុក មន្ទីរទេសចរណ៍ខេត្តកំពង់ធំ
– គេហទំព័រ www.kampongthomtourism.org