(រដ្ឋបាលខេត្តកំពង់ធំ): នៅថ្ងៃទី០១ ខែមេសា ឆ្នាំ២០២០ ឯកឧត្តម សុខ លូ អភិបាលខេត្តកំពង់ធំ និងសហការី បានបន្តចុះមូលដ្ឋាន ដើម្បីផ្សព្វផ្សាយនូវវិធានការប្រយុទ្ធប្រឆាំងការឆ្លងរីករាលដាលជំងឺកូវីដ១៩ ដល់បងប្អូនប្រជាពលរដ្ឋ ពលករ និងនិស្សិត ដែលទើបត្រឡប់មកពីបរទេស នៅតាមខ្នងផ្ទះ ដើម្បីណែនាំបន្ថែមពីការទប់ស្កាត់ជំងឺរលាកផ្លូវដង្ហើមកូវីដ កូវីដ-១៩ ដើម្បីសុខភាពទាំងអស់គ្នា នៅក្នុងស្រុកសណ្ដាន់ និងស្រុកប្រាសាទសំបូរ។
នាឱកាសនោះឯកឧត្តម សុខ លូ បានសំណូមសូមបងប្អូនគ្រប់ៗគ្នាចូលរួមទប់ស្កាត់ការរីករាលដាលនៃជំងឺកូវីដ-១៩ ហើយត្រូវតែនាំគ្នាបន្តផ្សព្វផ្សាយបញ្ច្រៀបការយល់ដឹងឱ្យកាន់តែទូលំទូលាយ ដល់ប្រជាពលរដ្ឋទាំងអស់ឲ្យបានជ្រាប ជាពិសអ្នកដែលទើបត្រឡប់មកពីបរទេស ត្រូវមានស្មារតីទទួលខុសត្រូវខ្ពស់ ក្នុងការដាក់ខ្លួនឯងអោយនៅដាច់ដោយឡែក រយ:ពេល១៤ថ្ងៃសិន ដើម្បីរក្សាសុខ សុវត្ថិភាព ដល់ក្រុមគ្រួសាររបស់បងប្អូន និងភូមិឃុំរបស់យើងផងដែរ។ ក្នុងនោះបើបងប្អូនណាមានកំដៅលើសពី៣៨C មានក្អក កណ្ដាស់ ឈឺបំពង់ក ត្រូវប្រញាប់ទៅពិគ្រោះជាមួយគ្រូពេទ្យ ឬមានការ សង្ស័យខ្លួនឯងថាបានប៉ះពាល់ជាមួយអ្នកផ្ទុកមេរោគកូវីដ-១៩ សូមទូរស័ព្ទទៅលេខ១១៥ ដើម្បីគ្រូពេទ្យពិនិត្យជូនបងប្អូននិងយកសំណាកទៅពិនិត្យនៅមន្ទីរពិសោធន៍ដែលមានឯកទ្ទេស ត្រឹមត្រូវ នៅរាជធានីភ្នំពេញ ។
ឯកឧត្តមបានបន្តទៀតថា ដោយអនុវត្តន៍តាមប្រសាសន៍ដឹកនាំដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា ក្រុមការងារបានខិតខំបន្ដដោយមិនគិតពីការនឿយហត់ឡើយ គឺធ្វើយ៉ាងណា ចូលរួមយ៉ាងសកម្មបំផុតដើម្បីបង្ការការរីករាលដាលវីរុសកូវីត១៩នេះ មិនឱ្យរីករាលដាលចូលក្នុងសហគមន៍បានឡើយ ។
ឆ្លៀតក្នុងឱកាសនោះឯកឧត្តមអភិបាលខេត្ត និងសហការី បានបិទក្រដាស់ផ្សព្ធផ្សាុយអប់រំរបស់ក្រសួងសុខាភិបាលស្តីពីការទប់ស្កាត់ការរីករាលដាលរបស់ជំងឺកូវីដ-១៩ នៅក្នុងសហគមន៍ ដើម្បីផ្សាយជូនប្រជាពលរដ្ឋបានជ្រាប នឹងយល់ដឹងបន្ថែមទៀត ។