ថ្ងៃទី១៥ ខែមិថុនា ឆ្នាំ២០១៧ រដ្ឋបាលស្រុកសណ្តាន់បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុកប្រចាំឆ្នាំ២០១៧ នៅក្នុងឃុំដងកាំបិត ក្រោមអធិបតីភាពលោក ប៉ែន និន ប្រធានក្រុមប្រឹក្សាស្រុក ។
សមាសភាពចូលរួមក្នុងវេទិកានេះមាន៖
១. សមាជិកក្រុមប្រឹក្សាស្រុក គណៈអភិបាល នាយករដ្ឋបាល ប្រធាន អនុប្រធាននិងមន្រ្តី អង្គភាព ការិយាល័យពាក់ព័ន្ធ ជុំវិញស្រុកសរុបចំនួន ២៧ នាក់ ស្រី ០៣ នាក់
២. លោកប្រធានឃុំ ស្មៀនឃុំ ប្រធានភូមិ និងប្រជាពលរដ្ឋមកពីភូមិផ្សេងៗនៅក្នុងឃុំដងកាំបិត សរុប ១១៦ នាក់ ស្រី ៥៦ នាក់។
វេទិកានេះ រៀបចំឡើងក្នុងគោលបំណង៖
១- ផ្ដល់ព័ត៌មានដល់ប្រជាពលរដ្ឋ នូវសមិទ្ធិផលដែលក្រុមប្រឹក្សាស្រុកសម្រេចបានកន្លងមក និងបញ្ហាប្រឈមនានា
២.ផ្ដល់ព័ត៌មានដល់ប្រជាពលរដ្ឋ អំពីអាទិភាពនៃការងារអភិវឌ្ឍន៍របស់ក្រុមប្រឹក្សាសម្រាប់ឆ្នាំខាងមុខ
៣.ផ្ដល់ឱកាសដល់ប្រជាពលរដ្ឋ ក្នុងការពិភាក្សាលើរបាយការណ៍ការងាររបស់ក្រុមប្រឹក្សា
៤.ទទួលអនុសាសន៍ និង សំណូមពររបស់ប្រជាពលរដ្ឋ ដើម្បីពិភាក្សា និងឆ្លើយតប ជាពិសេសបញ្ហាដែលពាក់ព័ន្ធនឹងប្រធានបទខាងលើ ។
ក្រោមប្រធានបទដូចខាងក្រោម៖
១. ការងារសន្តិសុខសណ្តាប់ធ្នាប់សាធារណៈ
– ការងារសន្តិសុខសណ្តាប់ធ្នាប់សាធារណៈ
– ភូមិឃុំមានសុវត្ថិភាព
២. ការងារសេដ្ឋកិច្ច
– កសិកម្ម
– ដីធ្លី
– ព្រៃឈើ
– សហគមន៍
៣. ការងារសង្គមកិច្ច
– ការអភិវឌ្ឍន៍មូលដ្ឋាន
– ការងារអប់រំ
– ការងារសុខាភិបាល ៕