នៅព្រឹកថ្ងៃទី ២៥ ខែមីនា ឆ្នាំ២០១៧ ឯកឧត្តម គង់ វិមាន លោកជំទាវ ឃួន ឃុនឌី និងឯកឧត្តម ងួន សុជាតិ អភិបាលរងខេត្តកំពង់ធំ អញ្ជើញចូលរួមក្នុងពិធីកាត់ឬសសីម៉ាព្រះវិហារ នៅវត្តប្រាសាទស្វាយព្រៃ ស្ថិតក្នុងឃុំត្រពំាងឬស្សី ស្រុកកំពង់ស្វាយ ខេត្តកំពង់ធំ ក្រោមអធិបតីភាពដ៏ខ្ពង់ខ្ពស់ឯកឧត្តមបណ្ឌិត ងួន ញ៉ិល អនុប្រធានទី២នៃរដ្ឋសភាជាតិ និងមានការអញ្ជើញចូលរួមពីសំណាក់ ថ្នាក់ដឹកនាំរដ្ឋបាលខេត្ត រដ្ឋបាលស្រុកកំពង់ស្វាយ មន្ទីរ អង្គភាពជុំវិញខេត្ត កងកម្លំាងទំាងបីប្រភេទ ក្រុមកាកបាទក្រហម ក្រុមកាយរិទ្ធិ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋយ៉ាងច្រើនកោះកុរ។ ក្នុងនោះដែរឯកឧត្តមបណ្ឌិតបានចូលរួមបច្ច័យសម្រាប់កសាងវត្តប្រាសាទស្វាយព្រៃចំនួន២០.០០០.០០០រៀលឧបត្ថម្ភសាលាស្រុកកំពង់ស្វាយ១.០០០.០០០រៀល, សាលាឃុំត្រពំាងឬស្សី១.០០០.០០០រៀល, បច្ច័យប្រគេនព្រះសង្ឃស្វាធ្យាយជយន្តោចំនួន៧០០.០០០រៀល, ឧបត្ថម្ភមហារោង (ទិសសីម៉ាឥន្ទកិល) ចំនួន៣០០.០០០រៀល, ឧបត្ថម្ភរោងទិសទំាង៨ក្នុង១ទិស ចំនួន ២០០.០០០រៀល, ជូនតាជី-យាយជី ចំនួន១០០នាក់ក្នុងមួយនាក់ទទួលបានក្រណាត់ស១ដុំ ថវិកា ១០.០០០រៀល, ប្រជាជនចំនួន ២.០០០នាក់ ក្នុងមួយនាក់ ទទួលបាន សារ៉ុង ១, ជូនលោកគ្រូ អ្នកគ្រូ ក្នុងឃុំត្រពំាងឬស្សី ១៧៥នាក់ ក្នុងមួយនាក់ ២០.០០០រៀល, យុវជនកាកបាទក្រហម និងយុវជនកាយរិទ្ធិ ចំនួន ៥០នាក់ ក្នុងមួយនាក់ ១០.០០០រៀល, សិស្សានុសិស្ស អនុវិទ្យាល័យព្រៃព្រាល និងបឋមសិក្សាប្រាសាទស្វាយព្រៃ សរុប ៣២២នាក់ ក្នុងមួយនាក់ សៀវភៅ ១ក្បាល ប៊ិច ១ដើម ថវិកា ៥.០០០រៀល, ឧបត្ថម្ភក្រុមភ្លេងពិណពាទ្យ ចំនួន១០០.០០០រៀល, ឧបត្ថម្ភអ្នកកាន់ខ្សែរបូរ ចំនួន៥នាក់ ក្នុង១នាក់ទទួលបាន ២០.០០០រៀល ព្រមទំាងមានការបំពាក់គ្រឿងឥស្សរិយយសជូនដល់ឯកឧត្តម ព្រះសង្ឃ លោក លោកស្រី ឧបាសក សរុប ២៩នាក់ ផងដែរ។