រដ្ឋបាលខេត្តកំពង់ធំ៖ នៅព្រឹកថ្ងៃអាទិត្យ ១រោច ខែពិសាខ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៩ ខែឧសភា ឆ្នាំ២០១៩នេះ ឯកឧត្ដម សុខ លូ និងលោកជំទាវព្រមទាំងក្រុមគ្រួសារ បាននាំយកនូវគ្រឿងឧបភោគ បរិភោគ ភេសជ្ជ: និងបច្ច័យមួយចំនួន ប្រគេនដល់ព្រះសង្ឃគង់នៅវត្តទេពនិម្មិត ស្ថិតក្នុងក្រុងស្ទឹងសែន ខេត្តកំពង់ធំ រួមមាន៖ អង្ករ៥០០គីឡូក្រាម ទឹកក្រូច១០កេស ទឹកបរិសុទ្ធ ២០កេស និងបច្ច័យមួយចំនួន។
បន្ទាប់មកឯកឧត្ដម និងក្រុមគ្រួសារ ព្រមទាំងឯកឧត្តម លោកជំទាវអភិបាលរងខេត្ត សមាជិកក្រុមប្រឹក្សាខេត្ត ប្រធានមន្ទីរ/អង្គភាព មន្ត្រីរាជការជុំវិញខេត្ត និងប្រជាពលរដ្ឋចំណុះជើងវត្តទេពនិម្មិត បានរៀបចំពិធីគោចរបិណ្ឌបាតព្រះសង្ឃចំនួន៦៧ព្រះអង្គ ដើម្បីរំលឹកដល់គុណព្រះសម្មាសម្ពុទ្ធជាបរមគ្រូនៃយើង៕
