(​រដ្ឋបាល​ខេត្ត​កំពង់ធំ​) ​នា​រសៀល​ថ្ងៃ​ទី​០​១​ ​ខែវិច្ឆិកា​ ​ឆ្នាំ​២​០​២​២​ ​ឯកឧត្តម​ ​ងួន​ ​រតនៈ​ ​អភិបាល​ខេត្ត​កំពង់ធំ​ ​និង​លោកជំទាវ​ ​ព្រមទាំង​ថ្នាក់​ដឹកនាំ​ជាច្រើន​រូប​ ​និង​មន្ត្រី​រាជការ​ ​អញ្ជើញ​ចូលរួម​សូត្រ​មន្ត​បុណ្យ​កឋិន​ទាន​សាមគ្គី​ ​នៅ​សាលាខេត្ត​កំពង់ធំ​ ​ដង្ហែ​ឆ្ពោះទៅ​កាន់​វត្ត​ឥន្ទ្រីយ៍​សំ​វ​រៈ ​ហៅ​វត្ត​កំពង់ធំ​ ​ស្ថិតនៅ​ក្នុង​ក្រុង​ស្ទឹង​សែន​ ​ខេត្ត​កំពង់ធំ​។​

​អង្គ​កឋិន​ទាន​សាមគ្គី​នេះ​ ​ផ្តួចផ្តើម​ដោយ​ ​ឯកឧត្តម​ ​ងួន​ ​រតនៈ​ ​អភិបាល​ខេត្ត​កំពង់ធំ​ ​និង​លោកជំទាវ​ ​និង​ថ្នាក់​ដឹកនាំ​ជាច្រើន​រូប​ផ្សេងទៀត​ ​នៃ​រចនា​ស​ម្ព័ន្ធ​រដ្ឋបាល​ខេត្ត​កំពង់ធំ​ ​បាន​មូលមតិគ្នា​ជាឯក​ច្ឆ័​ន​ផ្តើម​ធ្វើ​អង្គ​កឋិន​ទាន​សាមគ្គី​ ​ដើម្បី​ដង្ហែ​ទៅ​វេរ​ប្រគេន​ព្រះសង្ឃ​ដែល​គង់​ចាំ​ព្រះវស្សា​អស់​កាល​ត្រីមាស​ ​និង​រួមចំណែក​កសាង​ទីសេនាសនៈ​ក្នុង​វត្ត​ ​រួម​មាន​សាលា​ឆាន់​ ​កុដិ​ ​សាលារៀន​ ​និង​សមិទ្ធិ​ផល​នានា​ក្នុង​វត្ត​ជាច្រើន​ទៀត​ផង​ដែរ​។​