(រដ្ឋបាលខេត្តកំពង់ធំ) ៖ ឯកឧត្តម ងួន រតនៈ អភិបាលខេត្តកំពង់ធំ និងមន្ត្រីជំនាញពាក់ព័ន្ធ ចុះត្រួតពិនិត្យផ្លូវដែលកំពុងធ្វើការជួសជុល និងកែលម្អអ៊ុតកៅស៊ូថ្មី ក្នុងគម្រោងកែលម្អបរិស្ថានជុំវិញបឹងទន្លេសាប ក្នុងក្រុងសឹ្ទងសែន ត្រង់ចំណុចផ្លូវផ្សារចាស់ និងផ្លូវកំពង់ក្របៅ សង្កាត់កំពង់ក្របៅ ក្រុង ស្ទឹងសែន ខេត្តកំពង់ធំ នាព្រឹកថ្ងៃទី០៧ ខែកុម្ភៈ ឆ្នាំ២០២៣។
ឯកឧត្តម ងួន រតនៈ អភិបាលខេត្តកំពង់ធំ បានមានប្រសាសន៍ថា ការអ៊ុតកៅស៊ូផ្លូវថ្មី នេះក្នុងគោលបំណងកែលម្អសោភ័ណភាពផ្លូវ ដើម្បីឱ្យបងប្អូនប្រជាពលរដ្ឋ ទទួលបានការប្រើប្រាស់មានភាពយូរអង្វែង និងត្រៀមក្នុងការរៀបចំពិធីបុណ្យទន្លេលើកទី៧ ព្រមទាំងពិធីបុណ្យ ចូលឆ្នាំថ្មីប្រពៃណីខ្មែរខាងមុខនេះ។
លោក ជូ កុល្លា ប្រធានមន្ទីរសាធារណការ និងដឹកជញ្ជូនខេត្តកំពង់ធំ បានលើក ឡើងថា ដោយសារស្ថានភាពផ្លូវនេះកាលពីឆ្នាំ២០២២កន្លងទៅ ទទួលរងនូវទឹកជំនន់មាន ការខូចខាត និងដោយមានការចង្អុលបង្ហាញពី ឯកឧត្តម ងួន រតនៈ អភិបាលខេត្ត ក្នុងការកែលម្អផ្លូវនេះ ឱ្យទៅជាផ្លូវប្រភេទអេស៊ី (AC) ដោយមានប្រវែងសរុបចំនួន ១.០០០ម៉ែត្រ។
