(រដ្ឋបាលខេត្តកំពង់ធំ)៖ ឯកឧត្តម ងួន រតនៈ អភិបាលខេត្តកំពង់ធំ នាព្រឹកថ្ងៃទី០២ ខែកញ្ញា ឆ្នាំ២០២២ អនុញ្ញាតទទួលជួបសម្តែងការគួរសមជាមួយអង្គការ WFP ជាប្រធានតំបន់ប្រចាំនៅប្រទេសកម្ពុជា ដើម្បីពិភាក្សាការងារអំពីគម្រោងអនុវត្តក្រោមការគាំទ្រដោយកម្មវិធីស្បៀងអាហារពិភពលោក(WFP)នៅក្នុងខេត្តកំពង់ធំ នៅសាលប្រជុំសាលាខេត្តកំពង់ធំ។
តំណាងប្រធានតំបន់អង្គការ WFP ប្រចាំនៅកម្ពុជា បានលើកឡើងអំពីរបាយការណ៍វឌ្ឍនៈភាពរបស់ អង្គការ WFP ដែលបានអនុវត្តកន្លងមក ថ្លែងថា កម្មវិធីស្បៀងអាហារពិភពលោកកំពុងអនុវត្តកម្មវិធីមួយចំនួននៅក្នុងខេត្តកំពង់ធំ រួមមាន ១. គម្រោងអភិវឌ្ឍន៍មូលដ្ឋាន ២. កម្មវិធីសន្តិសុខស្បៀង ៣. កម្មវីធីផ្ទេរសាច់ប្រាក់ និង ៤. កម្មវិធីផ្តល់អាហារតាមសាលារៀន។
ជាមួយគ្នានោះដែរ ឯកឧត្តម ងួន រតនៈ បានផ្តល់ការគាំទ្រនូវរបាយការណ៍វឌ្ឍនៈភាពរបស់គម្រោងកម្មវិធីដែលអនុវត្តក្រោមការគាំទ្រដោយកម្មវិធីស្បៀងអាហារពិភពលោក ស្របទៅនឹងគោលនយោបាយរបស់ប្រមុខរាជរដ្ឋាភិបាលកម្ពុជា ដែលបានរួមចំណែកជួយអភិវឌ្ឍន៍មូលដ្ឋាន ជាពិសេសជួយសាងសង់មជ្ឈមណ្ឌលទីទួលសុវត្ថិភាព ដើម្បីលើកកម្ពស់ភាពធន់ និងរឹងមាំរបស់សហគមន៍នៅ កម្ពុជាក្នុងការប្រឈមជាមួយវិបត្តិនានា និងកសាងសមត្ថភាពស្ថាប័ន សម្រាប់ការត្រៀមលក្ខណៈទប់ទល់ជាមួយគ្រោះអាសន្ន ការលើកកម្ពស់ការចាត់វិធានកាទាន់ពេល វេលាតាមរយៈប្រព័ន្ធប្រកាសអាសន្នជាមុន។ ដើម្បីការពារជីវិត និង ជីវភាពរស់នៅក្នុងអំឡុងពេលមានគ្រោះមហន្តរាយ និងពង្រឹងសមត្ថភាពមន្ត្រីមូលដ្ឋាន និងសហគមន៍ដើម្បីត្រៀម រៀបចំជាស្រេចសម្រាប់ទឹកជំនន់ ការផ្តល់អាហារតាមសាលារៀន កម្មវិធីសន្តិសុខស្បៀង និងកម្មវិធីផ្ទេរសាច់ប្រាក់ជាដើម។
ជាចុងក្រោយឯកឧត្តម ងួន រតនៈ បានសំណូមពរដល់ម្ចាស់គម្រោង WFP សូមបន្តជួយគាំទ្រនូវសកម្មភាពដែលធ្លាប់អនុវត្តនាពេលកន្លងមកបន្ថែមទៀត។