(រដ្ឋបាលខេត្តកំពង់ធំ): ក្រុមប្រឹក្សាខេត្តកំពង់ធំបើកកិច្ចប្រជុំសាមញ្ញលើកទី៣៧ របស់ក្រុមប្រឹក្សាខេត្តអាណត្តិទី៣ ក្រោមអធិបតីភាពឯកឧត្តម ឈុន ឈន់ ប្រធានក្រុមប្រឹក្សាខេត្ត និង ឯកឧត្តម សុក ហៃ អភិបាលរងខេត្តតំណាង ឯកឧត្ដម ងួន រតនៈ អភិបាលខេត្តកំពង់ធំ ដោយមានការអញ្ជើញចូលរួមពីឯកឧត្តម លោកជំទាវសមាជិកក្រុមប្រឹក្សាខេត្តគណៈអភិបាលខេត្ត លោកនាយក នាយករងរដ្ឋបាលសាលាខេត្ត នាយក-នាយករងទីចាត់ការសាលាខេត្ត ប្រធាន-អនុប្រធានមន្ទីរអង្គភាពជុំវិញខេត្តនារសៀលថ្ងៃទី៧ ខែកក្កដា ឆ្នាំ២០២២។
កិច្ចប្រជុំនេះមានគោលបំណងដើម្បីពិនិត្យពិភាក្សាកែលម្អរបាយការណ៍ប្រចាំខែពិនិត្យលទ្ធផលការងារដែលបានអនុវត្តកន្លងមកព្រមទាំងលើកឡើងអំពីបញ្ហាប្រឈម និងស្វែងរកដំណោះស្រាយឱ្យបានទាន់ពេលវេលា។
នៅក្នុងកិច្ចប្រជុំនេះដែរបានលើកឡើងនូវរបៀបវារៈចំនួន ៥ ដូចខាងក្រោម:
១-ពិនិត្យនិងអនុម័តកំណត់ហេតុនៃកិច្ចប្រជុំសាមញ្ញលើកទី៣៦ របស់ក្រុមប្រឹក្សាខេត្ត
២-ពិនិត្យនិងអនុម័តរបាយការណ៍ប្រចាំខែមិថុនា ឆ្នាំ២០២២ របស់រដ្ឋបាលខេត្ត
៣-ពិនិត្យនិងអនុម័តកម្មវិធីវិនិយោគ៣ឆ្នាំរំកិល ២០២២-២០២៤
៤-ពិនិត្យនិងអនុម័តសេចក្តីណែនាំស្តីពីការរៀបចំ និងកសាងកម្មវិធីវិនិយោគបីឆ្នាំរំកិល២០២៣-២០២៥
៥-បញ្ហាផ្សេងៗ
របៀបវារៈខាងលើនេះត្រូវបានដាក់ជូនអង្គប្រជុំពិនិត្យនិងពិភាក្សារួមគ្នារួចមកដោយអនុម័តយល់ព្រមពីប្រធាននិងសមាជិកក្រុមប្រឹក្សាខេត្តដោយការលើកដៃយល់ព្រម។
